Zer da Larrabetzu 2025?

Udalari dagozkion kontu konplexuei aurre egiteko modu desberdin bat, gardenagoa eta inklusiboa sustatzea da prozesu honen xedea, Larrabetzuko herria 2025. urtean nolakoa izatea nahi den erabakitzeko herritar guztion artean. Prozesu honen bitartez, Larrabetzuko udalak eztabaida plazaratu nahi du biztanleek herria nolakoa izatea nahi duten erabakitzeko aukera izan dezaten; Udala herriaren beharrak eta desioak kudeatzeko tresna bat baino ez da izango, beraz. 


Zentzu horretan, prozesuaren helburua bikoitza da:
●HERRITARRAK INFORMATZEA,  Larrabetzuk zer eskaini dezakeen, zerk osatzen duen Larrabetzu, guztiona dena eta guztion artean zaindu beharrekoa.
ELKARLANEAN ARITZEA, herritar eta eragileekin,  2025. urteari begira Larrabetzu nolakoa izatea nahi den irudikatzeko asmoz.


Horretarako, Larrabetzu 10 gaitan banatu dugu. Era berean, gai bakoitza azpigai ezberdinetan zehaztu dugu. Horrek gaiaren azterketa erraztuko du.
Gai hauek guztiak bi txanda ezberdinetan landuko dira:
Lehenengo txanda: 2018ko urtarriletik apirilera arte: Etzebizitza, Ekonomia, Hondakinak, Ingurumena, Euskara eta Kultura.
Bigarren txanda: 2018ko irailetik abendura arte: Gazteak, Hezkuntza, Kirola eta Memoria Historikoa.

 

 

ATZERA